ئەنجومەنی زانكۆ كۆبوونەوە



ئەنجومەنی زانكۆ كۆبوونەوە

 zanyar.fatah@univsul.edu.iq

ئەمڕۆ 25-4-2018، ئەنجومەنی زانكۆی سلێمانی بە سەرۆكایەتی پڕۆفیسۆری یاریدەدەر دكتۆر رەزا حەسەن حسێن سەرۆكی زانكۆی سلێمانی و یاریدەدەرانی سەرۆكی زانكۆو ئەنجامانی ئەنجومەنی زانكۆ (15)ەمین كۆبوونەوەی ئاسایی خۆی بۆ ساڵی 2017-2018 لە هۆڵی كۆبوونەوەكانی زانكۆی سلێمانی ئەنجامدا. 
سەرەتای كۆبوونەوەكە سەرۆكی زانكۆی سلێمانی بە ئەندامانی ئەنجومەنی راگەیاند: كە ئەمڕۆ وەفدێكی وەزارەتی خوێندی باڵاو پەروەردەی وڵاتی فینلاند سەردانی زانكۆی سلێمانی دەكات و سەرجدانی ئەم وەفدەش گرنگییەكی تایبەت هەیەو وەك زانكۆی سلێمانیش پێشنیارمان هەیەو بە نیازین بیدەینە ئەو وەفدەی وڵاتی فینلاند.
دواتر سەرۆكی زانكۆ داوای لە سەرجەم راگری كۆلێجەكان كرد، كە پلانی وەرگرتنی خوێندكاران بۆ ساڵی 2018-2019 ئامادەبكەن، هەروەها گفتوگۆ لەبارەی چەند كاروبارێكی كارگێری ناو كۆلێجەكان كراو تاوتوێی چەند پێشنیارێك كرا بۆ زیاتر رێكخستنەوەو باشتركردن و خێرا رایكردنی كارە كارگێڕییەكانی كۆلێجەكان.
 تەوەرێكی تری كۆبوونەوەكە تایبەت بوو بە گفتوگۆو تاوتوێكردنی كاروباری خوێندكاران و چاسەركردنی گیروگرفتەكان، پاشان گفتوگۆ لەسەر ئەو پێشنیارانەكرا كە لایەن راگری كۆلێجەكانەوە پێشكەش كراون بۆ باشتربەڕێوەچوونی كارەكان .
     




 2018-04-25
 898