وەفدێكی بەریتانیا سەردانی زانكۆی سلێمانی دەكات



وەفدێكی بەریتانیا سەردانی زانكۆی سلێمانی دەكات

 [email protected]

ئەمڕۆ 27-5-2018، وەفدێكی پەرلەمانی بەریتانیا سەدانی زانكۆی سلێمانیان كردو لەلایەن پرۆفیسۆری یاریدەدەر دكتۆر رەزا حەسەن حسێن سەرۆكی زانكۆی سلێمانی و ژمارەیەكی لە ئەندامی ئەنجومەنی زانكۆوە پیشوازی كران.
وەفدەكەی بەریتانیا بەسەرۆكایەتی رۆبەرت هالفۆن ئەندامی پەرلەمانی بەریتانیا سەرەتا سەردانی سەرۆكایەتی زانكۆی سلێمانی كردو لەگەڵ رۆفیسۆری یاریدەدەر دكتۆر رەزا حەسەن حسێن سەرۆكی زانكۆی سلێمانی و ژمارەیەكی لە ئەندامی ئەنجومەنی زانكۆ كۆبووەوەو گفتوگۆكرا سەرەبات بە رەوشی خوێندن و لە هەرێمی كوردستان بەتایبەت بواری خوێندنی باڵا كە ناوەندێكی گرنگی فێركردن و پێگەیاندنی كەسەكانە تا بتوانن لەرێگەی ئەو زانست و مەعریفەیەی كە پێیان دەبەخشرێت بتوانن سود بە كۆمەڵگەكەیان بگەیەنن.
هەرلە كۆبوونەوەكەدا دكتۆر رەزا حەسەن سەرۆكی زانكۆی سلێمانی كورتە باسێكی لەسەر زانكۆی سلێمانی پێشكەش بە وەفدە بەریتانییەكە كردو تەئكیدیشیكردەوە كە زانكۆی سلێمانی وەك ناوەندێكی ئەكادیمی و مەعریفی لەناوچەكەدا لە ریزبەندی زانكۆ باوڕپێكراوەكاندایەو بەردەوام پەیەندیی ئەكادیمی و هەماهەنگی لەگەڵ زانكۆ جیهانییەكاندا هەیەو ساڵانە چەندین توێژینەوەو كۆنفرانسی زانستی لەبوارە جۆربەجۆرەكاندا ئەنجامدەدات و لە ئێستاشدا بەردەوام رانكینی لەبەرزبوونەوەدایە.
دواتر وەفدی میوان گوێی راو سەرنج و پرسیارەكانی ئەندامانی ئەنجومەنی زانكۆ گرت و گفتوگۆ و راگۆڕینەوە لەنێوان هەدوولادا ئەنجامدرا.
پاشان وەفدی ناوبراو بە یاوەری سەرۆكی زانكۆو ژمارەیەك لە مامۆستاكان سەردانی خوێندكارانی كۆلێجەكانی ناو زانكۆی كرد، بۆ لە نزیكەوە یەكتر بینین و ئاشنابوون زبە كۆلێجەكانی زانكۆو گفتوگۆو راگۆڕینەوە لەگەڵ خوێندكاران لەسەر بواری خوێندن و پەروەردە لە هەرێمی كوردستان.
 
    
 




 2018-05-27
 1158