بروسكه‌ی پیرۆزبایی سه‌رۆكی زانكۆ

به‌بۆنه‌ی راگه‌یاندنی ریزبه‌ندی نیشتمانیی زانكۆكانی هه‌رێمی كوردستان و به‌رزبوونه‌وه‌ی ئاستی زانكۆی سلێمانی له‌ڕیزبه‌ندییه‌كدا، پرۆفیسوری یاریده‌رده‌ر د. ره‌زا حه‌سه‌ن سه‌رۆكی زانكۆی سلێمانی برۆسكه‌یه‌كی پیرۆزبایی ئاراسته‌ی مامۆستایان و فه‌رمانبه‌ران و خوێندكاران ده‌كات.

ده‌قی پیرۆزباییه‌كه‌

مامۆستایان ، فه‌رمانبه‌ران  و خوێندكاران ئازیز...

به‌بۆنه‌ی راگه‌یاندنی ریزبه‌ندی نیشتمانیی زانكۆكانی هه‌رێمی كوردستان بۆ ساڵی خوێندنی (2017-2018) له‌لایه‌ن وه‌زاره‌تی خوێندنی باڵای حكومه‌تی هه‌رێمی كوردستان و به‌رزبوونه‌وه‌ی ئاستی زانستی زانكۆكه‌مان پیرۆزبایتان لێده‌كه‌م، زانكۆی سلێمانی دووپاتی ده‌كاته‌وه‌ كه‌ به‌رده‌وام ده‌بێت له‌ جێبه‌جێكردنی به‌رنامه‌ و پلانه‌كانی بۆ به‌ده‌ستهێنانی پێگه‌و پله‌یه‌كی باشتر له‌ڕیزبه‌ندی نیشتمانیی زانكۆكانی هه‌رێمی كوردستاندا.

پێشه‌نگبوونی زانكۆی سلێمانی له‌ڕیزبه‌ندییه‌كه‌دا ده‌گه‌ڕێته‌وه‌ بۆ هه‌وڵ و ماندبوونی مامۆستایان و فه‌رمانبه‌ران و خوێندكارانی خوێندنی باڵا له‌ ئه‌نجامدانی توێژینه‌وه‌ی زانستی و به‌ڕێوه‌بردنی كۆنفرانس و كۆڕو سیمیناری نێوده‌وڵه‌تیدا.

دووباره‌ ده‌ستان خۆش بێت و ئه‌م سه‌ركه‌وتنه‌ له‌ هه‌موولایه‌ك پیرۆزبێت

                                                                                                           پ. ی. د.ره‌زا حه‌سه‌ن

                                                                                                                سه‌رۆكی زانكۆی سلێمانی 

 2018-11-21

 1128