ئەنجومەنی زانكۆ كۆبووەوە



ئەنجومەنی زانكۆ كۆبووەوە

 zanyar.fatah@univsul.edu.iq

ئەمڕۆ 29-5-2019، بە سەرپەرشتی پرۆفیسۆری یاردەیدەر د. رەزا حەسەن سەرۆكی زانكۆی سلێمانی و بە ئامادەبوونی یاریدەدەرانی سەرۆكی زانكۆو سەرجەم راگرەكانی زانكۆ ، كۆبوونەوەی ئاسایی ئەنجومەنی زانكۆ بەڕێوەچوو.

سەرەتای كۆبوونەوەكەش بە ئامادەبوونی نوێنەری خوێندكاران گوێ لە داواكاری و  كەموكوڕییەكانی خوێندكاران گیراو بەڵێنی چارەسەركردنی كێشەكان درا، دواتر تەوەرە سەرەكییەكانی كۆبوونەوەی ئەنجومەن دەستیپێكرد، كە لەسەرەتادا لەلایەن سەرۆكایەتی زانكۆوە سەرجەم كۆلێجەكانی زانكۆ ئاگاداركرانەوە، كە بەهۆی پشووەكانی جەژنی رەمەزانی پیرۆزەوە، هەفتەی داهاتوو لەسەرجەم زانكۆ پشووی رەسمی دەبێت، جگە لەو كۆلێج و بەشانەی كە تاقیكردنەوەیان ماوە.
لە تەوەرێكی تری كۆبوونەوەكەدا تەئكید لەوە كرایەوە كە پێویستە كۆلێجەكانی زانكۆ لەرێگەی لیژنەكانی تاقیكردنەوەی كۆتایی ساڵەوە، هەوڵبدەن سەرجەم ئامادەكارییەكان بە باشی لە كاتی خۆیدا تەواوبكەن و لەكاتی تاقیكردنەوەكانیشدا ئاگاداری خوێندكاران بكەنەوە كە بە هیچ شێوەیەك هەوڵی غەش و قۆپییە نەدەن، و بە باشی روونكردنەوەیان بۆ بدەن و سزاكانیان بۆ باسبكەن، كە ئەو خوێندكارەی قۆپییە بكات بێبەشدەكرێت لە تاقیكردنەوەكان و سەرجەم تاقیكردنەوەكانی بە دەرنەچوو بۆ ئەژماردەكرێت و لە خولی دووەمیش مافی تاقیكردنەوەی نابێت.
دواتر تەرەوەكانی تری كۆبوونەوەكە دەستیپێكرد كە تایبەت بوو گفتوگۆكردن لەسەر كێشەو كەموكورتییەكانی كۆلێجەكان و وەرگرتنی پێشنیارەكان بۆ چارەسەركردنیان.
 
 




 2019-05-29
 323