زانكۆی سلێمانی: ئەو كەسانەی كە هەستاون بە غەشكردن لە تاقیكردنەوەكاندا رووبەڕووی یاسا كراونەتەوە



زانكۆی سلێمانی: ئەو كەسانەی كە هەستاون بە غەشكردن لە تاقیكردنەوەكاندا رووبەڕووی یاسا كراونەتەوە

 zanyar.fatah@univsul.edu.iq

ئەمڕۆ 21-6-2019، دوای ئەوەی لە ناو كەمپی نوێی زانكۆی سلێمانی لەكاتی بەڕێوەچوونی تاقیكردنەوەی خوێندكارانی كۆلێجەكان، دوو كەس لە رێگەی بلوتوسی مۆبایلەوە هەوڵی ئەوە دەدەن غەشبكەن و وەڵامی پرسیارەكانی تاقیكردنەوە بگەیەنن بە یەكێك لە هاوڕێكانیان كە خوێندكاری بەشی مێژووە لە كۆلێجی زانستە مرۆڤایەتییەكان، بەڵام لەكاتی كارەكەیاندا دوای ئەوەی لەلایەن پۆلیسی ناو زانكۆ تێبینی دەكرێن، دەستبەجێ هەردوو كەسەكە دەستگیردەكرێن و لەلایەن بنكەی پۆلیسی كەمپی نوێی زانكۆوە رادەستی بنكەی پۆلیسی راپەڕین دەكرێن لە ئێستادا لێكۆڵینەوەیان لەگەڵ دەكرێت. 

ئەو خوێندكارەش كە هەستاوە بە غەشكردن لە تاقیكردنەوەدا بۆ ئەمساڵ لەسەرجەم تاقیكردنەوەكان بێبەشدەكرێت و ئەمساڵی بە دەرنەچوو لە وانەكاندا بۆ هەژماردەكرێت (فەسڵ) دەكرێت.
 هەرلەو بارەیەوە د. ئیبتسام ئیسماعیل راگری كۆلێجی زانستە مرۆڤایەتییەكانی زانكۆی سلێمانی بە سایتی رەسمی زانكۆی راگەیاند: دوای ئەوەی ئەمڕۆ ، سەرۆكی بەشی مێژوو لە كۆلێجەكەمان ئاگاداری كردینەوە  كە لەكاتی بەڕێوەچوونی تاقیكردنەوەكاندا، خوێندكارێكیان بە غەشكردنەوە گرتووە، بەوەی كە لەلایەن دوو كەسەوە كە لە نزیك بینای كۆلێجەكەمانەوە لە رێگەی بلوتوسی مۆبایل وەڵامی پرسیارەكانی پێگەیەنراوە، بۆیە زووبەزوو لە لایەن پۆلیسی ناو زانكۆوە تێبینی كراون و دەستبەجێ دەستگیركراون.
 وتیشی: ئێمە وەك كۆلێج بە پێی یاسا مامەڵە لەگەڵ ئەو خوێندكارەدا دەكەین و بە پێی یاساش ئەو خوێندكارە بێبەشدەكرێت لە تاقیكردنەوەكان و بۆ ئەمساڵیش بەهیچ شێوەیەك ناتوانێت تاقیكردنەوە ئەنجامبدات و ئەمساڵی بە كەوتوو لەسەرجەم وانەكاندا بۆ هەژماردەكرێت .
 وتیشی: ئەو كەسانەی ئەو كارەیان ئەنجامداوە لەلایەن بنكەی پۆلیسی زانكۆوە دەستگیركراون و رادەستی بنكەی پۆلیسی راپەڕین كراون و دۆسییەكان لەلایەم بنكەی پۆلیسی راپەڕین بۆ كراوەتەوەو لە ئێستادا لێكۆڵینەوە لەگەڵیاندا بەردەوامە.
ئاماژەی بەوەشدا، خوێندكارانی خۆشەویست ئاگاداردەكەینەوە بەهیچ شێوەیەك بیر لە غەشكردن (قۆپییە) كردن نەكەوە، چونكە رووبەڕووی سزای قورس دەبنەوەو بێبەشدەكرێن لە تاقیكردنەوەكانداو بۆ ئەو ساڵەش بە كەوتوو بۆیان هەژماردەكرێت و بەهیچ شێوەیەكیش ناتوانن لە خولی دووەمیش تاقیكردنەوە ئەنجامبدەن، چونكە ئەوساڵە فەسڵ دەكرێن.
 
 




 2019-06-21
 690