ئه‌نجوومه‌نی زانكۆ كۆبوونه‌وه‌و ده‌ستخۆشیان له‌ دكتۆر یوسف گۆران و پیرۆزبایشیان له‌ وه‌زیری نوێی خوێندنی باڵا دكتۆر ئارام محه‌مه‌د قادر كرد



ئه‌نجوومه‌نی زانكۆ كۆبوونه‌وه‌و ده‌ستخۆشیان له‌ دكتۆر یوسف گۆران و پیرۆزبایشیان له‌ وه‌زیری نوێی خوێندنی باڵا  دكتۆر ئارام محه‌مه‌د قادر كرد

 kosar othman([email protected])

 ئەمڕۆ 7/10بەسەرۆكایەتی پرۆفیسۆری یاریدەدەر دكتۆر رەزا حەسەن سەرۆكی زانكۆی سلێمانی و یاریدەدەرانی سەرۆكی زانكۆو ئەندامانی ئەنجومەنی زانكۆی سلێمانی كۆبوونەوەی ئاسایی خۆی بۆ ساڵی خوێندنی 2018-2019 بەڕێوەبرد.

سه‌ره‌تای كۆبوونه‌وه‌كه‌ سوپاس و دەست خۆشیان ئاراستەی وەزیری خوێندنی باڵا دكتۆر یوسف گۆران كرد به‌بۆنه‌ی كۆتایهاتن به‌كاره‌كانی له‌و وه‌زاره‌ته‌، كە لەماوەی كاركردنیدا ده‌ستێكی باڵای هه‌بووه‌ له‌به‌ره‌و پێشبردن و خزمەتكردنی  وەزارەتی خوێندنی باڵا و گرنگی دان به‌ئاستی خوێندن و زانست له‌ زانكۆكانی كوردستان وهه‌نگاوی گه‌وره‌شی نا بۆ چاكسازی له‌وه‌زاره‌ت و زاڵبوون  به‌سه‌ر كه‌موكوڕییه‌كاندا "دواتریش پیرۆزباییان له‌ وه‌زیری نوێی خوێندنی باڵا دكتۆر ئارام محه‌مه‌د قادر كردو هیوایان خواست كە سەركەوتووبن و له‌كاره‌كه‌یان و تەواوكەری كارو خزمەت و چاكسازیەكانی كابینەی پێشووبن له‌بواری خوێندنی باڵادا.

لەو كۆبونەوەیەدا چەندین تەوەر  گفتوگۆیان لەبارەوە كرا، یەكێك لەو تەوەرانە هاتنە ژورەوەی ئوتومبێل بوو بۆ كەمپی ناوشار كە قەرەباڵەغییەكی زۆر هەیە لەسەر شوێنی ڕاگرتنی ئوتومبێل كێشەی بۆ مامۆستایان و فەرمانبەرانی ئەو كەمپە دروستكردووە،لای خۆیەوە سەرۆكی زانكۆ وتی هەوڵی چارەسەركردنی ئەو كێشەیە دەدەین لەزوترین كاتدا.

یەكێكی تر لەتەوەرەكان باسكردنی دروستكردنی باج بوو بۆ ئەمساڵی خوێندن بۆ مامۆستایان و فەرمانبەران و خوێندكاران كە وەك شێوازێكی شارستانی جیاكردنەوەیان سەرۆكی زانكۆ بڕیاریدا كە لەمساڵدا پێویستە هەمووان ڕەچاوی ئەو خاڵە بكەن و باجەكانیان هەڵبواسن.

بەشێكی تریش لەتەوەرەكان باسكردنی ڕێنماییەكانی خوێندنی ماستەر و دكتۆرابوو كە گفتوگۆی زیاتری لەبارەوە كرا.

 





 2019-07-10
 712