ئەنجوومەنی زانكۆ كۆبوونەوە



ئەنجوومەنی زانكۆ كۆبوونەوە

 kosar othman([email protected])

  ئەمڕۆ 11/20بەسەرۆكایەتی پرۆفیسۆری یاریدەدەر دكتۆر رەزا حەسەن سەرۆكی زانكۆی سلێمانی و یاریدەدەرانی سەرۆكی زانكۆو ئەندامانی ئەنجومەنی زانكۆی سلێمانی، ئەنجوومەنی زانكۆ كۆبوونەوەی ئاسایی خۆی بۆ ساڵی خوێندنی 2019-2020 بەڕێوەبرد.

سەرەتای كۆبوونەوەكە بە كاروباری خوێندكاران دەستیپێكرد نوێنەری خوێندكاران باسی لە داواكاری و ڕاسپاردەكانی خوێندكاران كرد ،لای خۆشیانەوە ئەنجوومەنی زانكۆ بڕیاری جێبەجیكردنیاندا،جگە لەوەش چەندین تەوەر  گفتوگۆیان لەبارەوە كرا راوبۆچوونی ئەندامانی ئەنجوومەنی زانكۆ و سەرۆكی زانكۆ لەسەر ئەو تەوەرانە خرانە ڕوو.

لەبەشێكی تری كۆبوونەوەكەدا مامۆستا ستەم كامیل بەڕێوەبەری سەنتەری ڕاهێنانی پێداگۆجی و پەرەپێدانی ئەکادیمی لە زانکۆی سلێمانی، کە ئامادەی کۆبوونەوەکە بوو باسی لەكردنەوەی ئەو سەنتەرە كردو وتی بەشێكە لەپلانی وەزارەت بۆ ریفۆرم كردن لەشێوازەكانی وانە وتنەوە لەسیستمی پەروەردەی لە وەزارەتی خوێندنی باڵا،وتیشی كاری ئەم سەنتەرە كردنەوەی خولی پێداگۆجییە بۆ هەڵگرانی بڕوانامەی ماستەرو دكتۆرا تابتوانن نازناوی زانستی بەدەست بێنن،جگە لەوەش كردنەوەی خولی ڕاهێنان و بەرزكردنەوەی ئاستی ئەكادیمی مامۆستایانی زانكۆو خوێندكارانی زانكۆیە بۆ مەسەلەی پەرەپێدانی ئەكادیمی لای خۆشیەوە سەرۆكی زانكۆی سلێمانی هیوای سەركەوتنی بۆ ئەو سەنتەرە خواست و وتی هاوكارتان دەبین بۆ بەرزكردنەوەی ئاستی زانست و خوێندن لە زانكۆی سلێمانیدا.

بەشێكی تری كۆبوونەوەی ئەنجوومەنی زانكۆ تایبەت بوو بە قسەكردن لەسەر كردنەوەی كورسی خوێندنی ماستەر و دكتۆرا ئەو ڕێنماییانەی تایبەت بوون بەو باسە.

 

 





 2019-11-20
 371