ئەنجومەنی زانكۆی سلێمانی كۆبووەوە



ئەنجومەنی زانكۆی سلێمانی كۆبووەوە

 [email protected]

ئەمڕۆ 4-12-2019، ئەنجومەنی زانكۆی سلێمانی بە سەرپەرشتی پرۆفیسۆری یاریدەدەر د. ڕەزا حەسەن سەرۆكی زانكۆی سلێمانی و سەرجەم ئەندامانی ئەنجومەن كۆبوونەوەی هەفتانەی ئاسایی خۆی ئەنجامدا.

لەسەرەتای كۆبوونەوەكەدا سەرۆكی زانكۆی سلێمانی سوپاسی لیژنەی بەڕێوەبردن و سەرجەم ئەو كەسانەی كرد، كە بەشداربوون لە بەڕێوەبردنی ئاهەنگی دەرچوونی خوێندكاران و دەستخۆشی لێكردن بۆ سەرخستنی پرۆسەكە بەبێ كێشەو كەموكوڕی، دواتر گفتوگۆ لەسەر چەند كێشەیەكی ئیداری لە كۆلێج و بەشەكانی زانكۆ كراو پێشنیاری ئەندامان لەسەری وەرگیرا بۆ چارەسەركردنیان.
لە بەشێكی تری كۆبوونەوەكەدا باس لە پلانی كوسی خوێندنی باڵاكرا، كە لە لایەن د. كاوە عەبدوڵڵا یاریدەدەری سەرۆكی زانكۆ بۆ كاروباری زانستی، ژمارەی ئەو كورسییانە ئاشكراكرا كە زانكۆی سلێمانی لە پلانی خۆیدا بۆ خوێندنی باڵا(ماستەرو دكتۆرا و دبلۆمی باڵا)،ئامادەی كردووەو ئاڕاستەی وەزارەتی خوێندنی باڵای كردووە.
هەرلە كۆبوونەوەكەدا بۆ زیاتر روونكردنەوە لەسەر سیستمی بۆڵۆنیاو وەڵامدانەوەی پرسیارو تێبینییەكانی ئەندامانی ئەنجومەن لەسەر پرۆسەكە، د. رێژین لە لیژنەی سیستمی بۆڵۆنیا كە بانگهێشتی ئەنجومەن كرابوو، بەوردی وەڵامی یەكە بە یەكەی پرسیارەكانی دایەوەو
 روونكردنەوەی تەواوی لەسەر شێوازی جێبەجێكردنی پرۆسەكە بۆ ئامادەبوواندا.
 
 




 2019-12-04
 687