بروسكەی پیرۆزبایی سەرۆكی زانكۆی سلمانی بۆ ٤٤ ھەمین ساڵیادی كۆمەڵەی خوێندكارانی كوردستان



بروسكەی پیرۆزبایی سەرۆكی زانكۆی سلمانی بۆ ٤٤ ھەمین ساڵیادی كۆمەڵەی خوێندكارانی كوردستان

 [email protected]

 بە بۆنەی تێپەربونی (٤٤) ساڵ بەسەر دامەزراندنی كۆمەڵەی خوێندكارانی كوردستان، پرۆفیسوری یاریدەردەر د.رەزا حەسەن سەرۆكی زانكۆی سلێمانی، بروسكەیەكی پیرۆزبایی ئاڕاستەی سكرتێر و ئەندامانی سكرتاریەت و سەرجەم ئەندامانی كۆمەڵەی خوێندكارانی كوردستان كردووە، كە ئەمە دەقەكەیەتی: 
بۆ بەرێزان، سكرتێر و ئەندامانی سكرتاریەت و سەرجەم ئەندامانی كۆمەڵەی خوێندكارانی كوردستان....
‎بە بۆنەی تێپەربونی (٤٤) ساڵ بەسەر دامەزراندنی كۆمەڵەی خوێندكارانی كوردستان، بەناوی خۆم وئەندامانی ئەنجومەنی زانكۆی سلێمانی جوانترین و گەرمترین پیرۆزبایی ئاڕاستەی كۆمەڵەكەتان دەكەین و هیوای سەركەتنی زیاتر و بەردەوامیتان   بۆ دەخوازین لە كاری ڕێكخراوەیی بۆ خزمەتی زیاتری سەرجەم خوێندكارانی كوردستان لە سەرجەم ناوەندەكانی خوێندندا.
‎ بەڕێزان لای ھەموو لایەك ڕوونە كە كۆمەڵەی خوێندكارانی كوردستان  ھەروەك چۆن لە ناوەندەكانی خوێندن لە قوتابخانەكان لە پەیمانگاكان لە سەرجەم زانكۆ حكومی و تایبەتەكان سەرچاوەی بیری نوێ و داھێنان بوون لە بەرزكردنەوەی ئاستی ڕۆشنبیری و خەباتە مەدەنی و دیمۆكراسییەكانی خوێندكار دا بەھەمان شێوە لەكاتی نەھامەتی و خەباتی ڕزگاریخوازی گەلەكەمان ھەمیشە خاوەن ڕۆڵ و ھەڵوێستی جوامیرانەی نیشتمانی و نەتەوەیی بوون و قەڵغانی بەرگری كردن بوون لە كۆمەڵانی خەڵكی كوردستان بەشێك بوون لە فەراھەم كردنی ئەو ئازادییەی كە ئێستا لە كوردستانداھەیە.
لە (٤٤)ھەمین ساڵیادی دامەزراندنی كۆمەڵەی خوێندكارانی كوردستان دووبارە گەرمترین پیرۆزبایتان لێ دەكەین و ئومێدەوارین كۆمەڵەی خوێندكاران ھەمیشە  هەڵگری مەشخەڵی زانست و بیری نوێبونەوە بێت و داكۆكیاری مافەكانی خوێندكاران و ڕایەڵەی نێوان دامەزراوە زانستی و ئەكادیمییەكان بێت بۆ درێژە دان بەخەباتی مەدەنی و دیموكراسییەكان.
‎بەرز و پیرۆز  بێت ساڵیادی دامەزراندنی كۆمەڵەی خوێندكارانی كوردستان...
 سڵاو لە ڕۆحی پاكی سەرجەم شەھیدانی ڕێگای رزگاری كوردستان 
 
‎پرۆفیسوری یاریدەردەر 
‎د.رەزا حەسەن 
‎سەرۆكی زانكۆی سلێمانی
 




 2020-04-25
 4290