ئەنجومەنی زانكۆی سلێمانی چەند بڕیارێك لەبارەی بەردەوامی پرۆسەی خوێندن دەردەكات



ئەنجومەنی زانكۆی سلێمانی چەند بڕیارێك لەبارەی بەردەوامی پرۆسەی خوێندن دەردەكات

 [email protected]

ئەمڕۆ 30-4-2010، ئەنجومەنی زانكۆی سلێمانی بە سەرۆكایەتی پرۆفیسۆری یاریدەدەر د. ڕەزا حسن حسێن   و یاردەدەری سەرۆكی زانكۆ وسەرجەم  ئەندامانی  ئەنجومەن كۆبونەوەی ئاسایی خۆی ئەنجامدا, كۆبونەوەكە تایبەت بوو بە چۆنێتی  و دیاریكردنی میكانیزمی دەستپێكردنەوەی خوێندن بۆ ساڵی خوێندنی ٢٠١٩—٢٠٢٠, پاڵپشت بە بڕیارەكانی ئەنجومەنی وەزارەتی خوێندنی باڵا و توێژینەوەی زانستی بەكۆی دەنگی ئەنجونمەنی زانكۆ بڕیارداركە :

یەكەم: پرۆسەی خوێندن لە حەفتەی داھاتوە دەتوانن بەشێوازی خوێندنی ئەلەكترۆنی پاڵپشتكاری بۆ خوێندكارانی بەكالۆریۆس دەستپێدەكات.
دووەم: ھەر گفتوگۆیەكی نامەی ماستەر و دكتۆرا و دبلۆم لە كۆلێجەكان بەھۆی ئەم رەوشە ناساییەی بڵاوبونەوەی پەتای كۆڕۆنا ڕاگیراوە دەتوانن لە دوای ڕۆژی ٢-٥-٢٠٢٠ بەشێوەی ئۆنلاین ئەنجام بدرێت
سێیەم: ئەو خوێندكارانەی ماستەر و دكتۆرا كە كۆرسی یەكەم خوێندنە كەیان تەواو كردوە، دەتوانن كۆرسی دووەمی خوێندنیان لە هەفتەی داهاتووەوە دەست پێبكەن، پشت ببەستن بە خوێندنی ئۆنلاین لەگەڵ مامۆستا بەڕێزەكانیان.
چوارەم: بڕیاردرا بە دەستكردنەوە بە جێنەجێ كردنی سەرجەم  ڕێكارە زانستی و ئیداریەكانی بەرزكردنەوەی پلەی زانستی .
پێنجەم: ھەوڵدان بۆ دەستپێكردنەوەی خولەكانی زمانی ئینگلیزی لە زانكۆی سلێمانی بەشێوازی ئەلەكترۆنی لەگەڵ سەرجەم  زانكۆكانی تری كوردستان.
شەشەم: دەستپێكردنەوە و بەردەوامی دان بە خولی پێداگۆجی لەگەڵ سەرجەم  زانكۆكانی  تری  كوردستان. 
لە كۆتاییدا سەرۆكی زانكۆ و ئەنجومەن هیوایان خواست كە ئەم پرۆسەیەی خوێندن لەم بارودۆخە نەخوازراوەدا بەهاوكاری مامۆستایان و خوێندكاران سەركەوتووانە تێپەڕێت و ئومێدەواربووندا لە  داهاتوویەكی نزیكدا بتوانرێت بە زووترین  كات لە هۆڵەكانی خوێندن بەردەوامی بە خوێندن بدەین.




 2020-04-30
 5037