پەیامی سەرۆكی زانكۆی سلێمانی بۆ مامۆستایان و فەرمانبەران و خوێندكارانی زانكۆ



پەیامی سەرۆكی زانكۆی سلێمانی بۆ مامۆستایان و فەرمانبەران و خوێندكارانی زانكۆ

 [email protected]

دوای بڕیارەكانی وەزارەتی خوێندنی باڵاو توێژینەوەی زانستی لەسەر چارەنووسی خوێندنی ئەمساڵی خوێندكاران لە زانكۆكانی هەرێمی كوردستان، پرۆفیسۆری یاریدەدەر د. ڕەزا حەسەن حسێن سەرۆكی زانكۆی سلێمانی پەیامێكی ئاڕاستەی مامۆستایان و فەرمانبەران و خوێندكارانی زانكۆی سلێمانی كردووە، كە ئەمە دەقەكەیەتی: 

پەیامی سەرۆكی زانكۆ
بەناوی سەرۆكایەتی و ئەنجومەنی زانكۆی سلێمانی پیرۆزبایی خۆمان ئاڕاستەی سەرجەم خوێندكاران و مامۆستایان و فەرمانبەرانی زانكۆی سلێمانی دەكەین و وێڕای جەژنە پیرۆزە، هیوای سەركەوتن بۆ سەرجەم خوێندكاران دەخوازین .. ھیوادارین لەم بارودۆخە نەخوازراوەی كە بەھۆی بڵاوبوونەوەی ڤایرۆسی كۆرۆناو ئەو قەیرانە داراییە قوڵەی ڕووبەڕوی گەلەكەمان بۆتەوە، بتوانین سەركەوتووانە پێكەوە بەسەر سەرجەم گرفتەكاندا زاڵبین.
بەڕێزان لەم سەروبەندەدا زۆر بەلامانەوە گرنگە ببینە ھۆكاری پاراستنی تەندروستی خوێندكاران و مامۆستایان و فەرمانبەرانی زانكۆمان، ھەر لەو ڕوانگەیەشەوە وەك زانكۆی سلێمانی پابەندی تەواوی بڕیارەكانی ئەنجومەنی وەزارەتی خوێندنی باڵاو توێژینەوەی زانستی دەبین بۆ نەفەوتانی خوێندنی ساڵی ٢٠١٩ —٢٠٢٠..
بەێزان لێرەوە بەپێویستی دەزانین سوپاسی سەرجەم مامۆستایان و فەرمانبەران بكەین كە  دڵسۆزانە و بەلە خۆبردوییەوە بەردەوامبوون و ھۆكاری سەرەكی بوون لە پێشخستنی توانای زانستی و ئیداری زانكۆی سلێمانی، بەتایبەتی لەكاتی ڕووبەڕوبوونەوەی پەتای كۆرۆنا، مامۆستایان ڕۆڵی گەورەو بەرچاویان بینی لە ھاوكاریكردنی زانستیانەی دەزگا تەندروستییەكان.
 
بە هیوای ژیانێكی تەندروست بۆ هەموولایەك.. 
ھەمیشە سەركەوتوو سەرفرازبن.. 
 
پرۆفیسۆری یاریدەدەر
د. ڕەزا حەسەن حسێن
سەرۆكی زانكۆی سلێمانی
 




 2020-05-27
 2307