ئەنجوومەنی زانكۆی سلێمانی كۆبوونەوە



ئەنجوومەنی زانكۆی سلێمانی كۆبوونەوە

 kosar othman([email protected])

 ئەمڕۆ 9/30  بە سەرپەرشتی سەرۆكی زانكۆی سلێمانی پڕۆفیسۆری یاریدەدەر دكتۆر رەزا حەسەن و بەئامادەبوونی یاریدەدەرانی سەرۆكی زانكۆو ئەندامانی ئەنجوومەنی زانكۆی سلێمانی ، كۆبوونەوە .

سەرەتای كۆبوونەوەكە نوێنەری خوێندكاران باسی لە ڕاسپاردەو پەیامەكانی خوێندكاران كرد سەبارەت بەخوێندنی ئاوێتە ،ئەو گرفت و داواكارییانەی خوێندكاران هەیان بوو خرانە بەر باس و گفتوگۆیان لەبارەوە كرا.

هەر لەو كۆبوونەیەدا لیژنەی بۆلۆنیا پرۆسێس و بەڕێوەبەری تەكنەلۆجیای زانیاریش ئامادەبوون گفتوگۆ لەسەر چۆنیەتی و شێوازی خوێندنی ئاوێتە كرا كە بەجۆرێك بێت خوێندكاران زۆرترین زانیاری و بەشێوازێكی ئاسان لەڕێی ئەو خوێندنەوە وەربگرن.

پڕۆفیسۆری یاریدەدەر دكتۆر رەزا حەسەن باسی لەوەكردكە پاراستنی گیانی خوێندكاران لە ئەستۆی ئەماندایە وتیشی ڕێگایەك دەگرینە بەر كە خوێندكارانمان سەلامەت بن .

 بڕیاریشە کە رۆژی (یەک شەممە) رێکەوتی (٤-١٠-٢٠٢٠) یەکەم ڕۆژی ساڵی نوێی خوێندن بێت بۆ خوێندنی بەکالۆریۆس لە زانکۆی سلێمانی، کە بەشێوازی خوێندنی ئەلیکترۆنی دەبێت بۆ ماوەی ٦ ھەفتە دەستپێبكات، پاشان دواتر بەپێی تایبەتمەندی وانە وکۆلێجەکان خوێندن بەشێوازی (ئاوێتە) بەردەوامی پێدەدرێت.

 

 

 





 2020-09-30
 390