ئاگادارییەک لە سەنتەری ڕاهێنانی پێداگۆجی و پەرەپێدانی ئەکادیمی زانکۆی سلێمانیەوە



ئاگادارییەک لە سەنتەری ڕاهێنانی پێداگۆجی و پەرەپێدانی ئەکادیمی زانکۆی سلێمانیەوە

 [email protected]

سەنتەری ڕاهێنانی پێداگۆجی خولی سێهەمی پێداگۆجی ڕادەگەیەنێت

سەنتەری ڕاهێنانی پێداگۆجی و پەرەپێدانی ئەكادیمی لە زانكۆی سلێمانی خولی سێهەمی پێداگۆجی و، بەرواری خولی داهاتوش ڕادەگەیەنێت. بۆ ئەم مەبەستەش سەرجەم هەڵگرانی بڕوانامەی دكتۆرا و ماستەر ئاگادار ئەكاتەوە، ئەوانەی خوازیاری بەدەستهێنانی نازناوی زانسین ئەتوانن لە رۆژی (7-10-2020) تا رێكەوتی (15-10-2020)، دوای خوێندنەوەی وردی هەنگاوەكانی پێشكەشكردن دەست بكەن بە پڕكردنەوەی فۆڕمی پێشكەشكردن. هەروەها، سەنتەری پێداگۆجی ئاگاداری هەڵگرانی بڕوانامەی ماستەر و دكتۆرا ئەكاتەوە كە لە ئێستادا خەریكی خوێندنی خولەكانی تەواوكاری زمانی ئینگلیزین یاخود خەریكی ئەنجامدانی تاقیكردنەوەی توانستی زمانن، سەنتەرەكەمان لە بەرواری ( 15-1-2021 ) خولی چوارەمی پێداگۆجی ئەكاتەوە.

مەرجەكانی پێشكەشكردن:
١/  بڕوانامەی ئەكادیمی دكتۆرا یاخود ماستەر. بۆ ئەو بەڕێزانەی كە لەدەرەوەی وڵات خوێندویانە پێویستە بڕیاری یەكسانكردنی بڕوانامەیان هەبێت. هەر كەسێك بڕوانامەكەی لە پڕۆسەی یەكسانكردندایە، پێویستە پشتگیریەك لە وەزارەتی خوێندنی باڵا و توێژینەوەی زانستی (بەڕێوەبەرایەتی یەكسانكردنی بڕوانامەكان) بهێنێت و ئامادەی بكات. 
٢/ مەرجە پێشكەشكار نمرەی (٥) ی لە تاقیكردنەوەی توانستی زمانی ئینگلیزی ئایەڵس (IELTS)یاخود هاوتاكانی لە (PTE, TOEFL-IBT) یاخود بڕوانامەی توانستی زمانی ئینگلیزی لە سەنتەرەكانی زمانی زانكۆكانی هەرێمی كوردستان بەدەست هێنابێت بەو ئاستەی كە وەزارەتی خوێندنی باڵا پەسەندی كردوە.

هەنگاوەكانی پێشكەش كردن:
هەنگاوی یەكەم: پڕكردنەوەی (فۆڕمی پێشكەشكردن) كە بەستەرەكەی لێرەدا دانراوە.

هەنگاوی دوەم: ئامادەكردنی ئەم دۆكیومێنتانەی خوارەوە:
1.    یڕوانامەی دكتۆرا یاخود ماستەر. ئەوانەی لە دەرەوەی وڵات خوێندویانە مەرجە بڕیاری یەكسانكردنی بڕوانامە یاخود پشتگیری یەكسانكردنی بڕوانامەیان هەبێت (هێنانی پشتگیری لە 'بەڕێوەبەرایەتی یەكسانكردنی بڕوانامەكان' تەنها بۆ ئەو كەسانەیە كە لە ئێستادا بڕوانامەكانیان لە پڕۆسەی یەكسانكردندایە). 

2.    بڕوانامەی توانستی زمانی ئینگلیزی بەو جۆرەی لەسەرەوە ئاماژەی پێكراوە.
3.    ئەو بەشداربوانەی كە لەسەر میلاكی وەزارەتی خوێندنی باڵا و توێژینەوەی زانستین مەرجە نوسراوی فەرمی (لارینەبون) لە شوێنی كارەكەیانەوە بهێنن. 
4.    كۆپیەكی ملەوەنی پاسپۆرت 

هەنگاوی سێهەم: دوای ئەوەی پێشكەشكار فۆڕمی ئەلیكترۆنی پڕ ئەكاتەوە، پێویستە ئەو دۆكیومێنتانەی سەرەوە ئامادە بكات لە فایلێكدا. پاش تەواو بونی ماوەی پێشكەشكردن، بەڕەچاوكردنی ڕینماییە تەندروستیەكان، سەنتەری پێداگۆجی پەیوەندی بە پێشكەشكارەوەئەكات، وەكات و بەروارێكی بۆ دائەنێت بۆ هێنانی دۆكیومێنتەكانی بۆ سەنتەری پێداگۆجی. 


تێبنی:
1.    لەم قۆناغەدا پێویست ناكات پێشكەشكار سەردانی سەنتەری پێداگۆجی بكات. هەروەها بەبێ ئەوەی سەنتەری پێداگۆجی خۆی پەیوەندنی بە پێشكەشكارەوە بكات، دۆكیومێنتەكان لە هیچ كەسێك وەرناگیرێت. 
2.    لە حاڵەتی بونی هەر پرسیارێك، پێشكەشكار ئەتوانێ لە كات و ڕۆژی كاركردندا پەیوەندی بكات بە ژمارە تەلەفونی سەنتەرەوە كە بریتیە لە (0770 942 0408). جگە لەم ژمارەیە سەنتەری پێداگۆجی خاوەنی هیچ ژمارەیەكی تر نیە و بەرپرسیار نیە لە وەڵامدانەوەی ژمارە كەسییەكان.  

 





 2020-10-07
 3853