بە 22 هەزارو 176 سایتەیشنی توێژینەوە زانكۆی سلێمانی پلەی یەكەمی لەسەر ئاستی زانكۆ حكومییەكان بەدەست هێنا



بە 22 هەزارو 176 سایتەیشنی توێژینەوە زانكۆی سلێمانی پلەی یەكەمی لەسەر ئاستی زانكۆ حكومییەكان بەدەست هێنا

 kosar othman([email protected])

 بە پیێ‌ داویین ریزبەندی باشترین زانكۆكانی عیراق كە گوگڵ سكۆلەر كردویەتی  لەسەر ئاستی زانكۆ حكومییەكانی هەرێمی كوردستان زانكۆی سلێمانی (زانكۆی دایك )لەپلەی یەكەمدایەو توانیویەتی 22 هەزارو 176 سایتەیشنی توێژینەوە بڵاوبكاتەوە هەروەها لەسەر ئاستی عێراق لەپلەی شەشەمدایە ، ئەمەش دەچێتە سەر ئەو  تومارانەی لە مێژووی زانكۆكەدا دەمێنێتەوە.

 گوگڵ سكولەر یەكێكە لەسەرچاوە سەرەكییەكانی بەدەست خستنی زانیاری و هاوكاری بۆ خوێندكارانی خوێندنی باڵاو مامۆستایان، تا لەڕێگەیەوە زانیاری و سەرچاوەی بەسود بەدەست بخەن،كە پەرتوك و توێژینەوەوبڵاوكراوەی زانستی تێدا بڵاودەكرێتەوە لەپێناو فەراهەمكردنی سەرچاوەو زانیاری بۆ كەسانی خاوەن بڕوانامەی زانستی .

 دوای ڕاگەیاندنی ئەنجامی كۆتایی گوگڵ سكولەر بۆ ساڵی 2020 كە سەرژمێری بۆ سەرجەم زانكۆكان لەسەر ئاستی جیهان كراوە كە بریتین لە 6150 تۆماركراوە لە (سایتەیشنی گوگڵ سكۆلەر)لەكۆی 28000زانكۆ لەسەر ئاستی جیهان بەپێی ئەو زانیارییانەی بڵاوكراوەتەوە هەر زانكۆیەك ژمارەی سایتەشنەكانی لە 1000 زیاتر بێت كراوەتە ناو لیستەكەوە ، هاوكات 32 زانكۆ لەسەر ئاستی عیراق لەو لیستەدا ناویان هەیەو 12 زانكۆی هەرێمی كوردستانیش لەكۆی 32 زانكۆكەی سەر ئاستی عیراق ناوییان هەیە.

لەسەر ئاستی زانكۆ حكومییەكانی هەرێمی كوردستان زانكۆی سلێمانی (زانكۆی دایك )لەپلەی یەكەمدایەو توانیویەتی بە 22 هەزارو 176سایتەیشن بڵاوبكاتەوە هەروەها لەسەر ئاستی عێراق لەپلەی شەشەمدایە،كە ئەمەش دەگەڕێتەوە بۆ بەرزی ئاستی مامۆستایانی زانكۆو ئەو هەوڵ و تێكۆشانەی داویانە لەماوەی بونی قەیرانی تەندروستی لەسەر ئاستی جیهان ،هەر بۆیە هەوڵەكانی مامۆستایانی زانكۆی سلێمانی بەرز دەنرخێنیین ،هەر بەو بۆنەیەشەوە سەرۆكی زانكۆی سلێمانیش سوپاسی خۆی ئاڕاستەی مامۆستایان دەكات بەوسەركەوتنە گەورەی تۆماریان كردووە و ئاستی زانكۆی سلێمانییان لەبەرزترین پلەدا هێشتۆتەوە داواكارین كاری باشتر و هەوڵی زیاتر بدرێت لەپێناو زیاتر پێش خستنی ئاستی زانكۆی سلێمانی.





 2021-01-06
 3112