بروسكەی پیرۆزبایی سەرۆكی زانكۆی سلێمانی بۆ یادی رۆژنامەی كوردستانی نوێ



بروسكەی پیرۆزبایی سەرۆكی زانكۆی سلێمانی بۆ یادی رۆژنامەی كوردستانی نوێ

 [email protected]

 بەبۆنەی ساڵیادی رۆژنامەی كوردستانی نوێ وە، پڕۆفیسۆری یاریدەدەر د. ڕەزا حەسەن حسێن سەرۆكی زانكۆی سلێمانی، بروسكەیەكی پیرۆزبایی ئاڕاستەی سەرنووسەر و ڕۆژنامەنووس و ستافی ئە رۆژنامەیە كردووە، كە ئەمە دەقەكەیەتی:
 
بەڕێزان/ سەرنووسەر و ڕۆژنامەنووس و ستافی (كوردستانی نوێ)ی ئازیز
بەبۆنەی داگیرساندنی مۆمی 30 ساڵەی  دەرچوونی یەكەم ڕۆژنامەی كوردی ڕۆژانە  لە دوای ڕاپەرین، بە ناوی ئەنجومەنی زانكۆی سلێمانییەوە پیرۆزباییەكی گەرم ئاڕاستەی سەرنووسەرو كارمەندان و خوێنەران و ڕۆشنبیران دەكەم، هەمووان دەزانن سەدان نووسەرو ڕۆشنبیر  رۆژنامەی (كوردستانی نوێ)یان كردە مینبەرێك تاوەكو لەو ڕێگایەوە نووسینەكانیان و بیڕووڕاكانیان بەئازادانە دەرببڕن .. رۆژنامەی (كوردستانی نوێ) لە ماوەی رابردوودا وەك دامەزراوەیەكی پیشەیی، بە رەچاوكردنی ئیتیكی رۆژنامەوانی بووەتە فێرگەیەك بۆ پێگەیاندن و ناسینی چەندین نووسەر و رۆنامەنووس لە تەواوی كوردستاندا.. كە ئەمە بۆ خۆی جێگەی شانازییە بۆ كوردستانی نوێ و بواری رۆژنامەگەری كوردی..
 جارێكی تر دەست خۆشی و پیرۆزبایی گەرممان بۆهەموو ئەوانەی ڕۆژێك بە وشەیەك پاڵپشت و پشتیوانی كوردستانی نوێ بوون.. هیوادارین (كوردستانی نوێ) بەردەوام بێت  لە درێژەدان بەو خەباتە شارستانی و پیرۆزەی كە پەیڕەوی دەكات..
 دووبارە پیرۆزە .. 
 
پڕۆفیسۆری یاریدەدەر 
د ڕەزا حەسەن حسێن
سەرۆكی زانكۆی سلێمانی 
 




 2021-01-12
 280