پیرۆزبایی سەرۆكی زانكۆ بەبۆنەی هاتنەوەی نەورۆزو ساڵی نوێی كوردی



پیرۆزبایی سەرۆكی زانكۆ بەبۆنەی هاتنەوەی نەورۆزو ساڵی نوێی كوردی

 [email protected]

مامۆستایان ، فه‌رمانبه‌ران و خوێندکارانی زانکۆی سلێمانی…. به‌بۆنه‌ی هاتنی جەژنی نەورۆزو سەری ساڵی نوێی کوردی-یه‌وه‌ به‌ناوی خۆم وئه‌ندامانی ئه‌نجومه‌نه‌وه‌ پیرۆزباییه‌کی گه‌رمتان لێده‌که‌ین،هیوادارین کە نەورۆزی ئەمساڵ کۆتایی هەموو ناخۆشییەکان بێت ،نەورۆزی ئازادی و سەرکەوتن بێت بەسەر هەموو ئەو ناخۆشیانەی ڕوبەڕووی گەلی کوردی قارەمان بۆتەوە،نەورۆزی ژیان و ژیانەوە بێت. ئێمە ئه‌مساڵ‌ له‌ کاتێکدا پێشوازی له‌ نه‌ورۆز ده‌که‌ین که‌ کوردستان له‌ رووی تەندروستییەوە بەهەلومەرجێکی دژواردا تێپەڕدەبێت، له‌گه‌ل په‌یامی پیرۆزبایی جه‌ژنی نه‌ورۆز، داواکارین نەورۆزی ئەمساڵ کۆتایی زاڵ بوون بێت بەسەر ئەو پەتایە هەروەک چۆن نەورۆز جەژنی سەرکەوتن و ئازادییە،سیمبولی کۆتاییهاتنی زوڵم زۆردارییە دەستپێکێکی گرنگیشە بۆ دووبارە بوژانەوە. هیوای سەرکەوتن بۆ خوێندکاران دەخوازم کەسەرەڕای بوونی کۆرۆنا بەڵام توانییان سەرکەوتووانە بەسیستمی ئاوێتە بەردەوام بن لەخوێندن پیرۆزبای جەژنی نەورۆزیان لێدەکەم هیوادارم پابەندی ڕێنماییە تەندروستییەکان بن.

دوبارە نەورۆزتان پیرۆز بێت و تەندروست باش بن..

پڕۆفیسۆری یاریدەدەر

دکتۆر رەزا حەسەن

سەرۆکی زانکۆی سلێمانی

 





 2021-03-20
 476