ئەنجومەنی زانكۆی سلێمانی كۆبووەوە



ئەنجومەنی زانكۆی سلێمانی كۆبووەوە

 [email protected]

ئەمڕۆ 23-6-2021، بەسەرۆكایەتی پڕۆفیسۆری یاریدەدەر د. ڕەزا حەسەن سەرۆكی زانكۆی سلێمانی و ئامادەبوونی ئەندامانی ئەنجومەن ئەنجومەن كۆبونەوەی ئاسایی ئەنجومەنی زانكۆ بەڕێوەچوو.
لەسەرەتای كۆبوونەوەكەدا پڕۆفیسۆری یاریدەدەر د. ڕەزا حەسەن سەرۆكی زانكۆی سلێمانی، سوپاسی سەرجەم مامۆستایان و فەرمانبەرانی زانكۆی سلێمانی كرد، كە وێڕای خراپی بارودۆخی دارایی و كەمی مووچەو مەترسییەكانی كۆرۆنا  بەلە خۆبوردوییانەو بەشێوەیەكی دڵسۆزانە توانیویانە ئەركەكانیان جێبەجێ بكەن .
پاشانی تەوەرەكانی كۆبوونەوەكە دەستیپێكرد كە سەرەتا گفتوگۆ لەسەر ئامادەكارییەكان كرا بۆ ئاهەنگی دەرچوونی خوێندكارانی زانكۆی سلێمانی و بۆ ئەو مەبەستەش لیژنەی تایبەتمەند بە پلاندانان و ئامادەكارییەكان بۆ ئەنجامدانی ئاهەنگی دەرچوونی خوێندكاران دانرا، هەروەها بڕیاردرا لە مانگی (9) ی ئەمساڵدا رێورەسمی ئاهەنگی دەرچوون بۆ خوێندكاران ئەنجامبدرێت.
تەوەرێكی تری كۆبوونەوەكە تایبەت بوو بە گفتوگۆكردن لەسەر كێشەو گرفتی كۆلیج و بەشەكانی زانكۆو وەرگرتنی پێشنیارەكان بۆ چارەسەركردنیان.





 2021-06-23
 457