شاندێكی رێكخراوی پرۆگرامی خۆراكی جیهانی سەردانی زانكۆی سلێمانی دەكات



شاندێكی رێكخراوی پرۆگرامی خۆراكی جیهانی سەردانی زانكۆی سلێمانی دەكات

 [email protected]

شاندێكی باڵای رێكخراوی WFP (پرۆگرامی خۆراكی جیهانی) بەسەرپەرشتی عەلی رەزا قوڕەیشی لێپرسراوی نووسینگەی عێراق و نیاز ئیبراهیم لێپرسراوی لقی سلێمانی رێكخراوەكە سەردانی زانكۆی سلێمانیان كرد.

شاندەكە رۆژی 15/9/2021 سەردانی زانكۆی سلێمانیان كرد، كە لەلایەن سەرۆكی زانكۆی سلێمانی پرۆفیسۆر دكتۆر رەزا حەسەن پێشوازیان لێكرا.

مەبەستی سەردانەكەیان درێژەپێدان بوو بەو پەیوەندییەی لەنێوان رێكخراوی WFP و زانكۆی سلێمانیدا هەیە، لەرێگای پرۆژەی ئیمپاكت، كە بۆ ماوەی دوو ساڵە لەزانكۆی سلێمانی بەردەوامە.

شاندەكە هاوكات لەگەڵ سەردانەكەدا پرۆژەكەشیان بەسەر كردەوە، كە هەر لەسەردانەكەدا جەخت كرایەوە، لەداهاتوودا چەند پرۆژەكی تر بەهاوبەشی ئەنجامبدەن.

هەر لەو دانیشتنەدا هەریەك لەدكتۆر زانا بەرێوەبەری سەنتەری زمان و كەلتوورو دكتۆر كارزان بەرێوەبەری راگەیاندن و پەیوەندییە ئەكادیمییەكان، مامۆستا ئەمير سەردار بەرێوەبەری سەنتەری پەرەبێدانی هەلی كار ئامادەبوون.





 2021-09-15
 444