سەرۆكی زانكۆی سلێمانی پشتیوانی پرۆژەی "كەلتوورە جیاوازەكان" دەكات



سەرۆكی زانكۆی سلێمانی پشتیوانی پرۆژەی "كەلتوورە جیاوازەكان" دەكات

 kosar othman([email protected])

  پرۆفیسۆر دكتۆر كۆسار محەمەد سەرۆكی زانكۆی سلێمانی پشتگیری خۆی بۆ پرۆژەی "بەیەكگەیشتنی كەلتوورەكان" راگەیاند، كە پرۆژەیەكی مەڵبەندی كوردۆلۆژییە.

رۆژی یەك شەممە 9/10/2022، سەرۆكی زانكۆی سلێمانی لەگەڵ وەفدی پرۆژەی (بەیەکگەیشتنی کەلتوورەكان)، کە لایەن د.عوسمان قادر ئەحمەد بەرێوەبەری مەڵبەندی کوردۆلیجییەوە ڕیکخرابوو كۆبووەوە. میوانەکانی پرۆژەكە بریتین لە بەرێزان پرۆفیسۆر (پەرستۆ فرۆهەر) سەرۆکی بەشی گرافیکی زانکۆی فرانکفۆرد و هونەرمەندی ناوداری جیهانی لە ئەڵەمانیا، كە بەرەچەڵەک خەلكی ئیرانە، لەگەڵ (د.گوودروون واڵەنبوک)، کە بەرێوەبەری گەلەری هەنتەرلاینە لە ڤێنای پایتەخی وڵاتی نەمسا، هەروەها هونەرمەندی بەرەچەك کورد (وریا ئاریا)، کە خەڵكی شاری سنەیەو خوێندی هونەری لە وڵاتی نەسا تەواو کردووەو زیاد لە ٢٠ ساڵە لە نەمسا دەژی.

لە كۆبوونەوەكە بەرێز پرۆفیسۆر دکتۆر کۆسار سەرۆكی زانكۆی سلێمانی پشتیوانی خۆی بۆ پرۆژەكە دووپاتكردەوە.

ئەم پرۆژەیە، لە ساڵی ٢٠٠٩وە کار لەسەر دیدی جیاوازو دروستکردنی پردی پەیوندی کەلتووەرە جیاوازەکان لە ڕێگەی هونەرەوە بەتایبەت هونەرمەندانی ئێران‌و پاکستان و هندسات و کوردستان دەكات.

ئەم هەنگاوە، پرۆژەیەکی کەلتووری و هونەری گرنگە، کە مەڵبەنی کوردۆلۆژی/ زانکۆی سلێمانی هەڵساوە بە ڕێکخستنی، کە هونەرمەندان باس لە ئەزموون و کاری کەلتووری خۆیان دەكەن، ئەوەش بۆ نزیک کردنەوەی هونەرمەندان لەیەکترو دروستکردنی پردێک بۆ گفتوگۆو دامەزراندنی پرۆژەی هونەری بەیەکەوە.

وابڕیارە كە لەڕۆژی ١/١٠/٢٠٢٢  سیمنارو گفتوگۆو وۆرکشۆپ لەگەڵ خۆیندکارانی هونەرمەندو هونەرمەندەکان و مامۆستاکانی کۆلیژی هونەر، کە لە کارگەی کەلتووری سلێمانی - گەلەری ئێستا بەهاوکاری بەرێز مامۆستا دارۆ ڕەسول، کە هاوکارو پشتیوانی پرۆژەکەیە ڕێكبخەن.

هاوكات بڕیارە رۆژی ٣ شەممە ١١/١٠/2022 سەعات ١١ی بەیانی  سیمینارو پرزنتەیشنیان هەبێت لە کۆلیژی هونەری زانکۆی سلێمانی بۆ هەموو خوێندکاور مامۆستایانی کۆلیژەكە.

 





 2022-10-10
 515