نوسینگەی ڕاوێژكاری زمانەوانی و وەرگێڕان لە كۆلێجی زمان كرایەوە



نوسینگەی ڕاوێژكاری زمانەوانی و وەرگێڕان لە كۆلێجی زمان كرایەوە

 kosar othman([email protected])

 ئەمڕۆ 19-1-2023، لە مەراسیمێكی شایستەدا، بە ئامادەبوونی پرۆفیسۆر د. كۆسار محمد سەرۆكی زانكۆی سلێمانی و ئامادەبوونی ژمارەیەك لە ئەندامانی ئەنجومەنی زانكۆ و مامۆستایان لە كۆلێجی زمان نوسینگەی ڕاوێژكاری زمانەوانی و وەرگێڕان لە كۆلێجی زمان كرایەوە.

سەرەتای مەراسیمەكەش بەساتێك وەستان بۆ رۆحی پاكی شەهیدان دەستیپێكرد، پاشان لە لایەن پرۆفیسۆر د. شاخەوان جەلال، راگری كۆلێجی زمان، وتەیەك پێشكەشكرا كە تێدا وێڕای بە خێرهاتنی ئامادەبووان بە وردی باسی لە لایەنی كارگێڕی و بیرۆكەی دروستكردنی نوسینگەی راوێژكاری زمانەوانی و وەرگێڕان كرد .

دواتر پرۆفیسۆر د. ئازاد حسن فتاح بەڕێوەبەری نوسینگەی ڕاوێژكاری زمانەوانی و وەرگێڕان زانیاری وردی لەسەر لایەنی زانستی و ئەكادیمی نوسینگەكە بۆ ئامادەبووانی خستەڕوو، هەروەها ئامانج و پلانی داهاتووی نوسینگەی ڕاوێژكاری زمانەوانی و وەرگێڕانی لە هەموو ئاستەكاندا ئاشكراكرد.

دواتر لەلایەن سەرۆكی زانكۆوە سەرجەم بەشەكانی نوسینگەكە بەسەر كرایەوەو بەڵێنی پێدان وەك سەرۆكایەتی زانكۆ هەمیشە پشتگیرو هاوكاریان بێت لە سەرخستنی كارەكانیاندا.

 

 

 

 

 





 2023-01-19
 299