بۆ یەکەمجار لە ساڵی ١٩٦٨دا زانکۆى سلێمانى دامەزرا و لەو کاتەوە تا ئێستا گۆڕانکاری و پێشکەوتنی زۆری بەخۆیەوە بینیوە. ئەم گۆڕانکارییانە لە سیستەمی زانکۆدا، یارمەتیدەر بوون زانکۆکە وەک دامەزراوەیەک باشتر گەشەبکات. زانکۆی سلێمانی، ڕۆڵێکی گرنگى لە دیاریکردنی چارەنووس و داڕشتەی کۆمەڵگادا هەبووە، ئەویش لەڕێگەی پەروەردەکردنی نەوەیەک لە خوێندکاران و پێشخستنی ڕەوتی توێژینەوە و داهێنان و بەشداریکردن لە گەشەسەندن و فراوانکردنی ئابووریدا، هەروەها زانکۆکەمان لە هەرێمی کوردستانی عێراقدا لە بواری ئەکادیمیشدا هەمیشە پێشەنگ بووە.