سەنتەری بەڵگەنامەو توێژینەوەی ئەکادیمی سەر بە زانکۆی سلێمانی/ وەزارەتی خوێندنی باڵایە، کە بۆ کارکردن لەسەر پێنج ئاستی ئەرشیفی مێژوویی دامەزراوە:
ئەم سەنتەرە، بۆ یەکەمجار بە فەرمانی وەزاری ژمارە (٣٦٨) لە بەرواری (٢٦ی ئازاری ٢٠١٨) بە پاڵپشتیی وەزیری پێشووی خوێندنی باڵا و توێژینەوەی زانستی (د.یوسف گۆران) دامەزراوە. بەپێی دەرچوونی فەرمانێکی زانکۆیی ژمارە (٧/٣/٣٦٣٤) لە ڕۆژی (١٥/٤/٢٠١٨)، لەلایەن سەرۆکی زانکۆی سلێمانی (د.رەزا حەسەن حسێن) پرۆژەکەی خستە بواری جێبەجێکردنەوەو پڕۆفیسۆرى یاریدەدەر (د.هەردی میکا)، وەک یەکەم دامەزرێنەرو بەڕێوەبەر، پڕۆژەکەی جێبەجێکرد.
لە(١٢ی ئابی٢٠١٨) لەلایەن جێگری سەرۆکی حکومەتی هەرێمی کوردستان بەڕێز (قوباد تاڵەبانی)یەوە کرایەوە. بەپاڵپشتیی ڕاستەوخۆی زانکۆی سلێمانی و وەزارەت، سەنتەرەکەیان خستەسەر پێی خۆی. تا ئێستا هەزاران دەستنووس و بەڵگەنامەو زنجیرەیەک کتێب و لێکۆڵینەوەی زانستی بڵاوکردووەتەوە.