کۆلێژی پەروەردە لە ڕۆژی شەممە ٣٠ی حوزەیرانی ٢٠٠٧ بەپێی بڕیاری ژمارە ٢٠٩ی وەزارەتی پەروەردەی حکومەتی هەرێمی کوردستان دامەزراوە.
ئێستا کۆلێژەکەمان لە چوار بەش پێکهاتووە، بەڵام لە سەرەتادا لە ساڵی ٢٠٠٧دا کۆلێژەکەمان دوو بەشی هەبووە، کە بریتیبوون لە (فیزیا و بیرکاری)، دواتر خۆشبەختانە لە ساڵی ٢٠١٤دا دوو بەشی تری دامەزراند، ئەوانیش بەشی (کیمیا و بایۆلۆژی)بوون. لە ساڵی خوێندنی ٢٠٠٧-٢٠٠٨ خوێندکاران دەستیان بە خوێندن کردووەو تا ئێستا پێنج ئاهەنگی دەرچوون لە کۆلێژەکەماندا ئەنجامدراوە.
ئامانجی کۆلێژەکەمان دابینکردنی مامۆستای پیشەگەرە بۆ قوتابخانە ناوەندییەکان. فێرخوازەکان لایەنە کارەکیی و تیۆرییەکانی بابەتی هەڵبژێردراوی خۆیان دەخوێنن، هەروەها شێوازی وانەوتنەوەو دەروونناسیی دەخوێنن و وەک بەشێک لە قۆناغی کۆتایی، خوێندکارەکان لە قوتابخانە ناوەندییەکان پراکتیزەی وانەوتنەوە دەکەن.
