لە ساڵی ٢٠٠٣-٢٠٠٤ دامەزرا بە ناوی کۆلێژی (مامۆستایان) لەسەر داوای وەزارەتی پەروەردەی هەرێمی کوردستان بەهۆی پێویستی زۆریان بە مامۆستای شارەزا و بەئەزموون، لە سەرەتادا سیستمی خوێندن گشتی بوو، بەڵام لە ساڵانی دواتردا چەندین بەشی جیاجیا کرانەوە وەک (زانستە بیرکارییەکان – زمانی کوردی – پەروەردەی هونەری – باخچەی ساوایان – زانستی کۆمەڵایەتی – زمانی ئینگلیزی – زانستی کۆمپیوتەر – پەروەردەی تایبەت).
دواتر لە ساڵی (٢٠٠٥-٢٠٠٦) ناوی کۆلێژەکە لە ناوی کۆلێژی (مامۆستایان) گۆڕدرا بۆ ناوی (کۆلێژی پەروەردەی بنەڕەتی).
هەروەها خوێندکار لە سەرجەم بەشەکان لە ڕێگەی دوو سیستەمەوە ناویان تۆماردەکرێت، کە بریتین لە سیستەمی زانکۆلاین و ڕاستەوخۆ. خوێندکاران لە سەرجەم بەشەکانی کۆلێژ لە ڕێگەی سیستمی زانکۆلاین وەردەگیرێن، جگە لە بەشی هونەر، کە ڕاستەوخۆ خوێندکار داواکاریی تۆماردەکات.
